د حج د سفر لپاره د آچې د بوډا ښځې او خاوند خوب پوره شو

ایکنا د انډونیشیا د آچې د بوډاګانو یوه جوړه د خپل اوږدمهاله خوب، یعنې د واجب حج د ادا کولو لپاره چمتووالی نیسي.

 ایکنانیوز  د جاکارتا ګلوب په حواله راپور راکړی،، یو۱۰۰ کلن سړی او د هغه ۹۵ کلنه ښځه له مرکزي آچې څخه د خپل اوږدمهاله خوب د پوره کولو لپاره چمتووالی نیسي.

په  کوته پانانګ  سیمې کې د تپاک موګه تیمور اوسېدونکي، محمد دحلان او د هغه ښځه دهنیار به راتلونکې اوونۍ مکه ته ولاړ شي.

دحلان  به سږ کال د آچې ښار تر ټولو بوډا حاجي وي.ډاکټرانو له معایناتو وروسته د هغه روغتیا د سفر لپاره مناسبه بللې ده.هغه تېره اوونۍ وویل:ډاکټر وویل هیڅ ستونزه نشته. زه روغ رمټ یم.»

دحلان، چې د خپل عمر په پام کې نیولو سره ډېر فعال دی،لا هم د قهوې په خپلو پټَيو کې کار کوي. هغه او د هغه ښځې دواړو د حج د مناسکو لپاره د چمتووالي پروګرام او دبوډا کسانو د روغتیا پروګرام کې په ځائي  روغتیايي مرکز کې برخه اخیستې ده.

دهنیار په موسکا سره  وویل: مونږ له فزیکي او روحي پلوه چمتو یو.دا جوړه د آچې د امبارکیشن له درېیمې لیږدونکې ډلې د یوې برخې په توګه، د مرکزي آچې، بنر مریا او بانډا آچې د حاجیانو ترڅنګ سفر کوي.دا د دوي  درېیم سفر دی مکې ته  او دوي مخکې دوه ځله د عمرې حج ادا کړی دی.

دوي د خپل دویمې عمرې سفر وروسته، په ۲۰۱۹ کال کې د حج تمتع لپاره نوم‌لیکنه وکړه. د معمول اوږد انتظار وخت سره سره، سږ کال د دوي د  لیږد نوبت ترلاسه کول حیرانوونکي وو.

 د آچې د مذهبي چارو د دفتر مشر ازهري  تشریح کړې چې دغه ولایت د ټولټال ۴۳۷۸  ونډو  څخه   ۲۱۹  د زړو وګړو لپاره د حج ونډه ترلاسه کړې ده.

چارواکي هغو زړو حاجیانو ته لومړیتوب ورکوي چې له پنځو کلونو څخه زیات په انتظار لیست کې وي او د عمر پر اساس غوره کېږي.

ازهری زیاته کړه: د محمد دحلان او دهنیار لیږد د دې یادونه کوي چې عمر د د وحي په مقدس ټاتوبي کې د عبادت د خوب د پوره کولو لپاره خنډ نه دی. دا چې د دوي د حج ټول لګښتونه د دوي د قهوې  کروندو  له عایده، چې کلونه ئې پرې نه ستړي کېدونکي کار کړی، پوره کېږي، د دوي سفر نور هم ځانګړی کوي.

د انډونیشیا د مذهبي چارو وزارت په وینا، دا هېواد په مکې او مدینې کې د ۳۰۰ هوټلونو په چمتو کولو سره د ۲۰۲۵ کال د ۲۰۰ زرو څخه زیاتو حاجیانو د استوګنې زمینه برابره کړې ده.

https://iqna.ir/fa/news/4282800/